மறதி ...மீ.மணிகண்டன்
எது மறந்ததென்று தெரியவில்லை
பயணச்சீட்டு பைக்குள்
இருப்பதை உறுதிசெய்துகொள்கிறேன்
அவசியமானது
வேறு எதுவாக இருந்துவிட முடியும்?
பயணப்பொதி சுமந்து வந்தேனோ?
ஆம் என் பார்வை படும்படியாக
இருக்கும்படி பார்த்துக் கொள்கிறேன்
மீண்டுமொருமுறை சிந்தனையைச்
சன்னலில் புகுந்துவந்த
காற்றினும் வேகமாய்ப் புரட்டுகிறேன்
எந்தப் பக்கத்தில் இருக்கிறதோ
அந்த ஞாபகம்.
பயணம் நிறைவேறியது என்ற
குரல்கேட்டு உடமைகளோடு
இறங்கியபின் ஞாபகம் வந்துவிட்டது
நான் பயணிக்க வேண்டியவன் அல்ல.
#மணிமீ
8/May/2024
கருத்துகள் இல்லை:
கருத்துரையிடுக